باسل :
شاب عمره 23 سنة من اصول ريفية يعنى من الاخر واد فلاح اخر ستين سبعين حاجة . بس صاحبنا بقى مش معترف بكده البيه شايف نفسه قمور و كل البنات بتحبه و هاتموت عليه و انه هو وتامر حسنى بس هما اللى ممكن يعرفوا بنات و الموضوع دا خلاه معتقد ان اصحابه بيحقدوا عليه بس هو بصراحة يستاهل الحقد يا جماعة الواد دماغه مافيش زيها ( بيحلف ان 2000 يورو يعملوا بالمصرى 483 جنيه ) بس خلاص .
مدام نورهان
اسمها الحقيقى ميرفت ازااز امها كانت خياطة و ابوها عربجى و مع ذلك اول ماتشوف سحنتك تقولك احنا اصلا من تركيا دا غير انها بتموت فى الوقيعة بين الناس و بعضها و بتقدرك يا معلم بفلوسك يعنى ( حبيبتك لو معاك و لو مافيش تاخد على قفاك ) بس خلاص .
شوشه
بنى ادم سيكوباتى معقد بيكره الخير لكل الناس حتى لنفسه يمتاز بخفه دم مش بطاله بس برده بيييييييييييييييييض .
هايبر
اسمه بيدل على افعاله مهيبر على طول و بيشاكل دبان وشه و على طول عامل مشاكل .
فرحة
بطلة العالم فى النكد و لوى البوز .
عبده الرزين
تافه - سطحى - عايش بدون هدف .
فلوطة
عامل نفسه فاهم فى كل حاجة و هو اساسا حمار مخطط
كلمة
رغاية تليفون درجة اولى و عاملة نفسها كبيرة الكل و هى اصلا لا بتحل و لا بتربط
